رامبن میں میڈیکل ٹریننگ اسکول کا افتتاح

جموں و کشمیر کے ضلع رامبن میں گورنر کے مشیر کے وجے کمار نے ضلع ہسپتال رامبن کے احاطہ میں گورنمنٹ نرسنگ میڈیکل ٹریننگ اسکول کا افتتاح کیا۔

جس کے بعد انہوں نے اسکول کی عمارت کا جائزہ لیا اور طلبا و طالبات کو ہر ممکن سہولیات فراہم کرانے کی یقین دہانی کرائی۔

انہوں بتایا کہ 'تقریبا دس برس پہلے منظور شدہ ٹریننگ اسکول کو کسی وجہ سے کھولنے میں دشواری آرہی تھی لیکن آج اس کا افتتاح ہو گیا۔'

اس سلسلے میں بی جے بی کے سینیئر رہنما شیام سنگھ نے ای ٹی وی بھارت سے بات کرتے ہوئے کہا کہ 'پچھلے گورنر کے مشیروں سے بھی ضلع ہسپتال اور ٹراما سینٹر کی خستہ حالی کو درست کرنے کا مطالبہ کیا گیا تھا لیکن اس پر توجہ نہیں دی گئی۔'