آغا سید محمد ہادی نے ایک ٹویٹ میں اس بات کا اعلان کیا ہے کہ جموں و کشمیر انجمن شرعی شیعیان سے منسلک تمام امام باڑے خاص کر آیت اللہ یوسف امام باڑہ سرینگر کو کورونا وائرس سے نمٹنے کے لئے قرنطینہ مرکز کے طور استعمال کیا جاسکتا ہے- یہ امام باڑہ جموں وکشمیر میں سب سے بڑا امام باڑہ ہے۔
خیال رہے کہ آغا سید محمد ہادی جموں و کشمیر کے انجمن شرعی شیعان کے صدر ہیں اور کشمیر میں ایک معروف اور با اثر عالم دین کی حیثیت رکھتے ہیں-
انہوں نے اس بات کا اعلان کیا کہ امام باڑہ آیت اللہ یوسف بمنہ سرینگر جو جموں و کشمیر کا سب سے بڑا امام باڑہ ہے کو کورونا وائرس کے پھیلاؤ کو روکنے کی غرض سے قرنطینہ سنٹر کے لیے مہیا رہیگا-
اس کے علاوہ انہوں نے کہا ہے کہ ان کی تنظیم سے منسلک دیگر امام باڑوں کو بھی اس کام کے لیے استعمال کیا جاسکتا ہے-
ادھر سوشل میڈیا پر ان کے اس قدم کی کافی سراہنا کی جارہی ہے اور اس ایک قابل تحسین عمل سے تعبیر کیا جارہا ہے-
