پلوامہ: زیر تعمیر پل کے نیچے سے آئی ای ڈی برآمد

یہ تجن اور دلوان علاقوں کے درمیان ایک پل ہے جہاں آئی ای ڈی کو چھپایا گیا تھا۔

جنوبی کشمیر کے ضلع پلوامہ میں سکیورٹی فورسز نے دیر رات دھماکہ خیز مواد (آئی ای ڈی) برآمد کیا ہے۔

ایک سینئر پولیس افسر نے خبر رساں ایجنسی کو بتایا کہ یہ دھماکہ خیز مواد مشتبہ عسکریت پسندوں نے پلوامہ ضلع کے تجن گاؤں کے قریب ایک پل کے نیچے رکھا تھا۔

انہوں نے بتایا کہ یہ تجن اور دلوان علاقوں کے درمیان ایک پل ہے جہاں آئی ای ڈی کو چھپایا گیا تھا۔ آئی ای ڈی کو دیر رات پولیس اور دیگر سکیورٹی فورسز نے برآمد کرنے کے بعد ناکام بنا دیا۔

مزید تفصیلات کا انتظار ہے۔