سید علی گیلانی کو گذشتہ روز پیٹ میں درد اور بے چینی محسوس ہونے کے بعد صورہ میڈیکل انسٹی ٹیوٹ میں داخل کیا گیا تھا۔
حریت کانفرنس نے تمام لوگوں کا شکریہ ادا کیا جنہوں نے خود آکر یا فون پر خیریت دریافت کی۔ حریت کانفرنس نے صورہ اسپتال کے عملہ، متعلقہ ڈاکٹر بشمول ڈائریکٹر کا بھی شکریہ ادا کیا۔
قابل ذکر ہے کہ حریت کانفرنس کے رہنما کو گذشتہ 30 برسوں سے 'پیس میکر' آلہ لگا ہوا ہے اور کچھ عرصے سے اس میں تکنیکی خرابی پیدا ہوگئی ہے جس کے معائنے کے لیے امراض قلب کے ماہر داکٹروں نے اس کی دوبارہ تشخیص کا مشورہ دیا ہے۔
سید علی گیلانی کئی امراض میں مبتلا ہیں۔ ان کے بائیں طرف کا گردہ 2002 میں رانچی جیل میں قید کے دوران ہی نکال دیا گیا تھا اور 2007 میں دائیں گردے کا آدھا حصہ بھی نکال دیا گیا۔
