ایڈیشنل ڈپٹی کمشنر بانڈی پورہ ظہور احمد میر نے جمعرات کو ضلع میں پنچائت سطح پر ہیلتھ کلبس کے قیام کے انتظامات کو حتمی شکل دینے کے لئے ایک اجلاس منعقد کیا۔
اس میں دیہی علاقوں میں کووڈ19 کے پھیلاؤ پر قابو پانے میں مدد ملے گی۔
اجلاس میں بلاک ڈویلپمنٹ چیرمین ، چیف میڈیکل آفیسر بشیر احمد ، ڈسٹرکٹ پنچایت آفیسر نذیر احمد ، سرپنچ ، بی ڈی اوز اور محکمہ صحت کے افسران نے شرکت کی۔
میٹنگ میں ہیلتھ کلبوں کی تشکیل ، جس میں تربیت ، لاجسٹکس کی دستیابی بشمول ماسک ، سینیٹائزر اور دیگر طبی آلات سمیت مختلف امور پر تبادلہ خیال کیا گیا۔
یہ بتایا گیا کہ ہیلتھ کلبوں کے قیام کے لئے ہر پنچایت کے لئے 2 لاکھ روپے کی منظوری دی گئی ہے اور ہیلتھ کلبس کے قیام کے لئے ضروری انتظامات کیے جائیں گے۔
انہوں نے کہا کہ پنچایتی راج اداروں کے ذریعہ ہیلتھ کلبس میں عارضی رہائش ، کھانا ، طبی سازوسامان فراہم کیے جائیں گے۔
انہوں نے کہا کہ یہ ہیلتھ کلبس کے ذریعہ سوشل میڈیا پر پھیلائی جانے والی جھوٹی خبروں، غلط معلومات کی نگرانی کی جائے گی۔
مزید پڑھیں:'الائنس کے امیدواروں کی فہرست جلد ہی منظر عام پر لائی جائے گی'
اس کے علاوہ ماسک ، پلس آکسومیٹر ، سوڈیم ہائپوکلورائٹ و دیگر اہم ادویات کی فراہمی کی جائے گی۔
ہیلتھ کلبس کے قیام کے مقاصد کو حاصل کرنے کے لئے ، اے ڈی سی نے کہا کہ ضلع انتظامیہ صحت اور میڈیکل ایجوکیشن اور رورل ڈویلپمنٹ محکموں کے ذریعہ ہیلتھ کلبس کی ٹیموں کو مناسب تربیت کو یقینی بنایا جائے گا۔
