جنوبی کشمیر کے ضلع پلوامہ کے اونتی پورہ علاقے میں سکیورٹی فورسز اور عسکریت پسندوں کے درمیان تصادم میں ایک عسکریت پسند ہلاک ہوگیا۔
کشمیر زون پولیس کے مطابق دیر رات پامپور کے میج علاقے میں عسکریت پسندوں کی موجودگی کی اطلاع ملنے پر سکیورٹی فورسز نے پورے علاقے کو محاصرے میں لیا اور تلاشی کارروائی شروع کی تھی۔
جنوبی کشمیر کے پامپور میں تصادم: پولیس
تلاشی کارروائی کے دوران عسکریت پسندوں نے سکیورٹی فورسز پر فائرنگ کی جس کے بعد دوطرفہ گولیوں کا تبادلہ شروع ہوگیا تھا۔
اطلاعات کے مطابق حکام نے اونتی پورہ، ترال اور پامپور علاقوں میں انٹرنیٹ خدمات معطل کر دی ہے۔
پولیس کے مطابق تصادم میں اب تک ایک عسکریت پسند ہلاک ہوا ہے جس کی شناخت ہونا باقی ہے۔
ذرائع کے مطابق علاقے میں دو سے تین عسکریت پسند چھپے ہوئے ہیں اور مذکورہ علاقے کے تمام راستوں کو سیل کر دیا گیا ہے ۔
مزید تفصیلات کا انتظار ہے۔
