گاندربل: چیری کی پیداوار سے کسان خوش

جموں وکشمیر کے ضلع گاندربل کے کسان رواں برس فصلوں کی پیداوار سے خوش ہیں۔ جن علاقوں میں چیری کی پیداوار اچھی ہوئی ہے۔ ان میں گوٹلی باغ، یارمقام، وتہ لار، چونٹھ ولی وار، قصبہ لار کے علاوہ تحصیل واکورہ اور اس سے ملحقہ علاقوں میں بھی رواں برس چیری کی پیداورا اچھی ہوئی ہے۔

مرکز کے زیر انتظام خطہ جموں و کشمیر کے ضلع گاندربل کے کسان رواں برس چیری کی اچھی پیداوار سے کاشتکار خوش ہیں۔

تاہم بیرون ریاست کی منڈیوں تک پہچانے کے لیے کسانوں کو کافی مشکلات کا سامنا کرنا پڑتا ہے۔

ریفریجیٹر گاڑیوںکی عدم دستیابی کے سبب چیر کی فصل کو بیرون ریاست کی منڈیوں تک بہتر حالت میں نہیں پہنچ پاتی ہے۔ اس کے علاوہ جدید ترین پیکنگ میٹیریل متعارف کرانے کی بھی اشد ضرورت ہے۔
تاکہ سال بھر چیری اگانے والے کسانوں کو ان کی محنت کا پھل ملے ۔اور چیری کی پیداوار میں اضافہ ہو ۔اور کسان اسے فروخت کرکے اپنےاہل خانہ کی کفالت کرسکیں۔
مقامی لوگوں کا کہنا ہے کہ کئی کسانوں بنک سے قرضہ حاصل کرکے چیری کی فصل تیار کرتے ہیں۔مگر حکومت کی جانب سے اسکیموں سے خاطر خواہ فائدہ نہ ملنے سے کسانوں کو کافی نقصان ہوتاہے۔