سرکاری عہدیداروں کے مطابق جمعرات کو چار کشمیریوں کو دہلی ہوائی اڈے سے گرفتار کیا گیا۔ ان سے 39.14 لاکھ روپے کی رقم ضبط کرنے کا دعویٰ کیا گیا ہے۔
انہوں نے کہا کہ یہ پہلا موقع ہے جب اتنی بڑی مقدار میں بھارتی کرنسی ضبط ہوئی ہے۔ عہدیداروں نے بتایا کہ ان چاروں افراد کو منگل کے روز جدہ سے آمد کے بعد ایئرپورٹ پر روک لیا گیا تھا۔
عہدیداروں کا کہنا ہے کہ ان افراد کا ارادہ تھا کہ جموں کا سفر کریں لیکن وہ پرواز میں سوار ہونے سے پہلے ہی گرفتار کئے گئے تھے۔
اطلاعات کے مطابق یہ چاروں مسافر بدھ کے روز جدہ سے اندرا گاندھی بین الاقوامی ہوائی اڈے پر اترے اور وہ ایئر انڈیا کے پرواز سے جموں جانے والے تھے۔جب سکیورٹی اہلکاروں نے ان کے بیگ میں بھارتی کرنسی کی تصاویر دیکھی تو انہیں روک دیا گیا۔مسافروں کے بیگز میں سے کل 38،99،322 روپے نقد ملے۔
