وادی کشمیر میں مسلسل بارش کی وجہ سے ندی نالوں میں پانی کا بہاؤ بڑھ گیا ہے جس کی وجہ سے کئی آبائی وسائل میں پانی کی سطح میں اضافہ ہوا ہے۔
سرکاری ذرائع کے مطابق گاندربل میں نالہ سندھ میں پانی کا بہاؤ 3.68 تھا جبکہ خطرے کی سوئی 3.35 ہی ہے۔
ضلعی انتظامیہ نے نالہ سندھ کے آس پاس کے رہائشی لوگوں کو آگاہ رہنے کو کہا گیا ہے کیونکہ نالہ سندھ میں پانی کی سطح سیلاب کے نشان کو عبور کرچکی ہے۔
یہ بھی پڑھیں
موسلا دھار بارش سے سڑکیں اور گلی کوچے زیر آب
ضلع ترقیاتی کمشنر گاندربل شفقت اقبال نے ا ایک ٹویٹ کے ذریعے ضلع کے لوگوں بلخصوص دودرہامہ کے لوگوں کو احتیاط برتنے کو کہا ہے۔
انہوں نے اپنے ٹیوٹ میں دو ایمرجنسی نمبرز بھی دیئے ہیں جن پر لوگوں سے مشکل حالات کے دوران مدد کے لیے رابطے کرنے کے لیے کہا گیا ہے۔ وہ نمبرز 8899833031, 9596160301 ہیں۔
وادی میں اتوار کی صبح سے متواتر موسلادھار بارش کا سلسلہ جاری ہے۔ بارش کے نتیجے میں جنوبی کشمیر سے لیکر شمالی کشمیر تک دریائے جہلم اور اسکی معاون ندی نالوں کے دونوں اطراف واقعہ سینکڑوں علاقوں میں سیلاب کا خطرہ بنا ہوا ہے۔ منگل کی صبح سے شروع ہونے والی بارش کے نتیجے میں شہر کے علاوہ وادی کے متعدد قصبہ جات میں درجنوں علاقے زیر آب آگئے ہیں، جس کے نتیجے میں لوگوں کو چلنے پھرنے میں انتہائی دقتوں کا سامنا کرنا پڑ رہا ہے۔
