جموں و کشمیر میں سرینگر کے مضافات میں عسکریت پسندوں نے سی آر پی ایف پارٹی پر فائرنگ کردی، جس میں دو سی آر پی ایف نوجوان ہلاک جبکہ تین زخمی ہوگئے۔ زخمیوں کو مقامی اسپتال میں داخل کرایا جارہا ہے۔
سرینگر کی مضافات میں فائرنگ
ذرائع کے مطابق نامعلوم مسلح افراد نے سرینگر کی مضافات میں کنڈی زال پل کے نزدیک سینٹرل ریزرو پولیس فورس (سی آر پی ایف) کی ایک پارٹی پر فائرنگ کردی۔
ابتدائی اطلاعات کے مطابق اس حملے میں کم از کم دو اہلکار ہلاک جبکہ تین زخمی ہوگئے۔
سکیورٹی فورسز نے علاقے کو محاصرے میں لیا ہے اور حملہ آوروں کی تلاش شروع کردی ہے۔
فائرنگ کے بعد سرینگر جموں شاہراہ کے مصروف بائی پاس پر ٹریفک کی نقل و حرکت متاثر ہوئی ہے۔
