بارہمولہ: گزشتہ سال شمالی کشمیر کے جو فروٹ گروورس اور سیب ڈیلرز کاروبار کے ساتھ منسلک تھے۔ وہ سیب کی اچھی خاصی پیداوار سے کافی خوش تھے۔ لیکن بارہمولہ کے سوپور میں قائم ایشیاء کی دوسری سب سے بڑی فروٹ منڈی کے صدر فیاض احمد نے بتایا کہ جو ہمارا فروٹ گروور ہے۔ اس کے بی اور سی کلاس سیب کو ابھی بھی مناسب ریٹ نہیں ملتی ہے، اس سے فروٹ گروورس کو کافی نقصان ہوتا ہے۔
انہوں نے مزید کہا کہ سوپور کی فروٹ منڈی میں اس وقت سیب مسلسل آتا ہے کیونکہ گزشتہ سال سیب کی پیداوار کافی بہترین تھی اور اے کلاس سیب کو اچھی خاصی ریٹ ملی تھی۔ ہم نے ہزاروں کی تعداد میں فروٹ ٹرکس کو بھارت کی مختلف ریاستوں میں روانہ کیا۔
فیاض احمد نے کہا کہ لیکن چند دنوں سے ہماری فروٹ منڈی سوپور میں گاڑیوں کی کمی دیکھنے کو مل رہی ہے۔ کیونکہ جو ٹرک ڈرائیور ہیں انہوں نے ہڑتال کی ہے اور اس سے بھی ہماری فروٹ گروورس کو کافی نقصان ہو رہا ہے۔ اس وقت فروٹ منڈی سوپور میں کافی سیب موجود ہیں اور اس کو ملک کی دوسری ریاستوں میں روانہ کرنے کی اشد ضرورت ہے۔
یہ بھی پڑھیں:
- سال 2023 نئے اقسام کے غیر مقامی میوہ جات کے فروغ کے لئے سود مند رہا
- کیا 2023 میوہ تاجروں کے لئے سود مند رہا؟
انہوں نے مزید کہا کہ ایک اور بہت بڑا مسئلہ یہ ہے کہ جو مارکیٹ میں نکلی کھاد ہے اور جو پیسٹیسیڈز اور فرٹیلائزرس ہیں۔ ان سے ہمارے فروٹ گروورس کو نقصان ہوتا ہے۔ کیونکہ نکلی ادویات سے جو ہمارے سیب کے باغات ہیں وہ برباد ہوتے ہیں۔ ہم چاہتے ہیں کہ سرکار اور متعلقہ محکمہ ان نکلی کھاد بیجنے والوں کے خلاف سخت سے سخت کاروائی کرے۔
