جنوبی کشمیر کے ضلع کولگام کے قاضی گنڈ علاقے میں پولیس نے 40 کلو گرام چرس برآمد کر کے دو گاڑیاں ضبط کر لی ہے۔
پولیس نے قاضی گنڈ میں 40 کلو چرس برآمد کر کے آٹھ افراد کو گرفتار کر لیا ہے۔
ایس ڈی پی او قاضی گنڈ محمد شفیق کی نگرانی میں ایس ایچ او ارشاد احمد کی سربراہی میں پولیس نے ڈلوچھ قاضی گنڈ کے قریب ایک ناکہ لگایا جہان 2 گاڑیوں زیر نمبرات JK17 6970 اور JK02BE 6782 سے تلاشی کے دوران 40 کلو گرام چرس برآمد کیا گیا۔
پولیس کے مطابق گرفتار شدہ افراد میں ثاقب علی زرگر ساکنہ کشتواڑ، وسیم محمد تراگ ساکنہ کشتواڑ، عبدالمجیب کھانڈے ساکنہ کشتواڑ، دانش فیاض مخدومی ساکنہ قاضی گنڈ، توحید فیاض مخدومی ساکنہ قاضی گنڈ، نزیر احمد ڈار ساکنہ قاضی گنڈ، عبدالاحد ملک ساکنہ چک بڈونی اور عبدالرشید ملک ساکنہ چک بڈونی شامل ہیں۔
پولیس نے اس سلسلے میں کیس درج کر کے مزید تحقیقات شروع کر دی ہے۔
