جموں و کشمیر کے ضلع اننت ناگ میں گزشتہ دنوں ای ٹی وی بھارت نے منافع خوری سے پریشان لوگوں کی روداد انتظامیہ تک پہنچائی تھی اور اس خبر کو کافی اہتمام سے شائع کیا تھا۔ خبر کی اشاعت کے بعد انتظامیہ حرکت میں آئی اور منافع خوروں کی شناخت کے لیے مہم شروع کی گئی۔
اسی کے پیش نظر ضلع انتظامیہ نے تحصیلدار اننت ناگ کی قیادت میں ایک ٹیم تشکیل دی۔ جس نے بازاروں میں چیکنگ کی۔
اس دوران چیکنگ ٹیم نے دکانداروں سے گفتگو کرتے ہوئے کہا کہ دکاندار ریٹ لسٹ کے مطابق عام لوگوں کو سامان فروخت کریں۔
چیکنگ ٹیم نے بلیک مارکیٹنگ اور ذخیزہ اندوزی میں ملوث دیگر دکانداروں سے چھ ہزار روپے کا جرمانہ بھی وصول کیا۔
اس کارروائی کے بعد عام لوگوں نے ای ٹی وی بھارت کا شکریہ ادا کیا اور امید ظاہر کی کہ آئندہ بھی ای ٹی وی بھارت اس طرح کے معاملات میں اہم کردار ادا کرے گا۔
واضح رہے کہ اس چیکنگ کا مقصد بلیک مارکیٹنگ کو روکنا، اشیائے ضروریہ کو مناسب قیمتوں پر فروخت کرانا اور منافع خوری اور ذخیرہ اندوزی کرنے والے دکانداروں پر نظر رکھنا تھا۔
