ای ٹی وی بھارت کے ساتھ بات کرتے ہوئے مقامی لوڈ کیریر کے ڈرائیورز کا کہنا ہے ان کا حکومت استحصال کرتی ہے، کیونکہ چنگی والے ان کو ہر انٹری پوائنٹ پر 20-20 روپے وصول کرتے ہیں۔
سوپور میں ڈرائیور کا احتجاجی مظاہرہ
ڈرائیورز نے کہا کہ انہیں ہر ضلع میں دن میں ایک بار چنگی کا پیسہ دینا پڑتا ہے، لیکن سوپور میں انہیں دن میں چار چار بار چنگی کا پیشہ دینا پڑتا ہے۔
انہوں نے مزید کہا کہ پچھلے دو برسوں سے حالات ناسازگار ہونے کی وجہ سے وہ پہلے سے ہی پریشان ہیں اور ان پر سرکار اور زیادہ ظلم کرتی ہے۔
اس ضمن میں ای ٹی وی بھارت نے چیف ایگزیکٹو افسر میونسپلٹی سوپور سمیر جان سے رابطہ کرنے کی کوشش کی لیکن بے حد کوششوں کے باوجود ان کے ساتھ رابطہ نہیں ہوپایا۔
