بھارت پاکستان کے درمیان کپوارہ کے ٹنگڈار میں ایل او سی پر گولہ باری میں شادی کا سامان تباہ ہوگیا۔ ٹنگدار میں ایک شخص نے اپنی دو بیٹیوں کی شادی کے لئے سامان جمع کیا تھا ، گولہ باری نے باپ کے خوابوں کو چکنا چور کردیا ہے، ان کے گھر اترنے والے ایک خول نے ان کا سارا سامان تباہ کردیا۔
گولہ باری میں شادی کا سامان تباہ
گولہ باری کے دوران اس شخص کے مکان پر مارٹر شل گرا جس سے مکان تباہ ہوگیا ہے
محمد شفیق نے نم آنکھوں سے بات کرتے ہوئے بتایا کہ سونا اور تانبہ دلہن کے کپڑے اور دوسری شادی کے جمع کی گئیں دیگر اشیاء تباہ ہوگئیں۔
انہوں نے سسکتے ہوئے کہا زندگی بھر کی کمائی تباہ ہوگئی اور کچھ نہیں بچا ہے۔
انہوں نے دونوں ممالک کے وزرائے اعظم سے اپیل کی کہ وہ جارحانہ مزاج ترک کریں اور عوام کے بارے میں سوچیں، کیونکہ دونوں اطراف سے انسانی جانیں ضائع ہو رہی ہیں۔
