دورے کے دوران انہوں نے حلقہ انتخاب بجبہاڈہ کے مختلف علاقوں کا بھی دورہ کیا، جس میں خاص طور پر نیلیندرسوں میں قائم اینڈور سپورٹس اسٹیڈیم، ایمرجنسی لینڈنگ ڈفنس ایئرپوٹ، اور جبلی پورہ میں قائم فروٹ منڈی کا بھی جائزہ لیا۔
اس موقع پر اُن کے ہمراہ ڈپٹی کمشنر اننت ناگ کے کے سدا کے علاوہ مختلف محکموں کے اعلیٰ آفسران بھی موجود تھے۔
اس موقعے پر ڈیویژنل کمشنر نے کہا کہ بجبہاڈہ سے بہت سے کھلاڑی ابھر کر آئے ہیں۔ جنہوں نے نہ صرف نیشنل بلکہ انٹر نیشنل بھی کھیلا ہے اور بڑے پیمانے پر اپنے کھیل کا مظاہرہ دکھایا ہے۔
اُنہوں نے اس موقعے پر یقین دلایا کہ ڈسٹرک سپورٹس اسٹیڈیم کا کام بہت جلد مکمل کیا جائے گا، اور کھلاڑیوں کے لیے وقف کیا جائے گا۔
اُنہوں نے کہا کہ جبلی پورہ فروٹ منڈی کا کام بھی کافی عرصے سے چلا آرہا ہے، اب چونکہ فنڈس بھی واگزار ہو چکے ہیں۔
فروٹ منڈی کو بھی فعال بنا کر اسے آنے والے سیزن میں چالو کیا جائے گا۔ساتھ ہی ساتھ انہوں نے بجبہاڈہ میں قائم ایمرجنسی لینڈنگ کے لیے ڈفنس ائیر پورٹ کو بھی جلد مکمل کرنے کا یقین دلایا۔
