بصیر احمد خان نے پلوامہ کے ڈی سی آفس میں تمام محکمے کے ضلعی افسران کے ساتھ ایک میٹنگ کی جس میں انہوں نے ضلع میں جاری کاموں کے متعلق جانکاری حاصل کی۔
اس موقعے پر انہوں نے افسران سے ترقیاتی کاموں میں تیزی لانے کی ہدایت دی۔ انہوں ضلع کے ترال اور چندگام علاقوں میں دو کالجز کے قیام کے لیے بھی سبھی کام پورے کرنے کی ڈسٹرکٹ کمشنر پلوامہ کو ہدایت دی۔
بصیر خان نے ضلع میں مختلف ترقیاتی کاموں کو جلد سے جلد شروع کرنے کے علاوہ 'بیک ٹو ولیج' مہم میں منظور شدہ کاموں پر جلد از جلد کام شروع کرنے کی ہدایات جاری کی۔
کمشنر نے ضلع ہسپتال پلوامہ کا بھی دورہ کیا اور وہاں مریضوں کو دستیاب سہولیات کا جائزہ بھی لیا۔ اس دوران انہوں نے دو نئی عمارتوں کا بھی افتتاح کیا۔
واضح رہے کہ بصیر احمد خان نے تمام ڈی سی افسران اور متعلقہ انتظامیہ کو ہدایات دی ہیں کہ وادی میں تین اکتوبر سے تمام سرکاری اور پرائیویٹ اسکولز کھولیں جائیں۔
