ڈوڈہ:مرکز کے زیر انتطام یوٹی جموں و کشمیر کے ضلع ڈوڈہ میں منعقدہ لڑکیوں کا انٹر زونل ٹورنامنٹ میں 14 اور 17 سال سے کم عمر کی لڑکیوں کے کھلاڑیوں کی زبردست جوش و خروش کے ساتھ شرکت کی۔ ڈوڈہ کے ڈپٹی کمشنر شری وشیش مہاجن نے اختتامی تقریب میں مہمان خصوصی کی حیثیت سے شرکت کی۔ ضلع کے مختلف زونز کی نمائندگی کرنے والی لڑکیوں کے کھلاڑیوں نے ان کا پرتپاک استقبال کیا۔ کھلاڑیوں کی جانب سے پیش کیے گئے رنگا رنگ پروگرامز اور گیتوں نے حاضرین کی توجہ اپنی جانب مبذول کرانے میں کامیاب رہا۔
ڈسٹرکٹ یوتھ اینڈ سپورٹس آفیسر ڈوڈہ جعفر حیدر شیخ نے خطبہ استقبالیہ پیش کرتے ہوئے ضلع کے نوجوانوں میں کھیلوں کے فروغ میں ڈپٹی کمشنر کی کاوشوں پر شکریہ ادا کیا۔ ڈپٹی کمشنر ڈوڈہ نے اپنی تقریر میں ڈوڈہ کی ضلع یوتھ اینڈ اسپورٹس ٹیم کی تعریف کی کہ وہ لڑکوں اور لڑکیوں کو کھیلوں کی سرگرمیوں میں شامل کرنے کے لیے ان کی نمایاں کوششوں کو سراہتے ہیں جس سے اسپورٹس مین شپ کا جذبہ پیدا ہوتا ہے۔ انہیں معاشرے میں منفی اثرات سے ہٹانا ہوتا ہے۔ ضلع اور مختلف علاقوں میں ابھرتے ہوئے ٹیلنٹ کو پروان چڑھانے کے لیے پورے خطے میں اسی طرح کے کھیلوں کے مقابلوں کے انعقاد کی حوصلہ افزائی کی۔
یہ بھی پڑھیں:Football in Kashmir وادی میں فٹبال کے فروغ میں کشمیر اونجرز کلب کا اہم رول
افتتاحی تقریب کے دوران شرکاء نے کھیل کی قدر اور کھیل سے لگن کو برقرار رکھنے کا حلف لیا، دن کے اہم مقابلوں میں 100 میٹر 200 میٹر اور 400 میٹر ریس ٹیبل ٹینس بیڈمنٹن فینسنگ، مارشل آرٹس تائیکوانڈو اور جیولین تھرو سمیت کل 23 مختلف گیمز کا شیڈول تھا۔ عسر بھالہ بھدرواہ ڈوڈہ ، گھٹ بھلیسہ، ٹھاٹھری اور گندنہ زونز کے سینکڑوں خواتین کھلاڑیوں نے شرکت کی ۔
