ملک کی مختلف ریاستوں میں رہنے والے لوگ کرونا وائرس کی وجہ سے گھبراہٹ میں ہیں۔ لوگوں کو اندیشہ ہے کہ کہیں وہ بھی اس خوفناک وائرس سے متاثر نہ ہو جائیں۔
اس سلسلہ میں ڈپٹی کمشنر ادھم پور پیوش سنگلا نے انتظامیہ کو ہدایت دی ہے کہ وہ اس مہلک وائرس سے بچاؤ کے لئے تمام احتیاطی اقدامات اُٹھائے۔
کورونا وائرس: ادھم پور میں ائیسولیشن وارڈ قائم کئے گئے
اس سلسلہ میں ضلع ترقیاتی کمشنر پیوش سنگلا کی زیر صدارت ایک اجلاس ہوا جس میں محکمہ صحت کے عہدیداروں کو مناسب ہدایات دی گئیں کہ وہ اس وائرس سے نمٹنے کے لئے کمر بستہ ہوں۔
حالات کی سنجیدگی کو دیکھتے ہوئے انتظامیہ نے ضلع اسپتال میں ڈاکٹروں کی ایک ٹیم تشکیل دی گئی۔ اس کے علاوہ رام نگر اور چنائے میں ممکنہ بیماروں کے لئے ایک علیحدہ وارڈ قائم کیا گیا۔
ڈاکٹروں نے لوگوں سے اپیل کی کہ وہ افواہوں پر دھیان نہ دے اور اپنے ارد گرد صفائی ستھرائی رکھیں۔
