دورے کے دوران انہوں نے سُپاٸیس پارک میں موجود ای اکشن سنٹر اور گیسٹ ہاوس کا معاٸنہ کیا۔ انہوں نے کہا کہ ای اکشن سنٹر کی وجہ سے اب زعفران پوری دنیا تک پہنچ جائے گا اور زعفران کاشت کرنے والے کسانوں اور خریداروں کے بیچ میں جو درمیانہ داری ہوتی تھی وہ ختم ہو جائے گی جس وجہ سے جہاں کسانوں کی آمدنی میں اضافہ ہوگا وہیں زعفران خریدنے والے خریداروں کو ملاوٹ کے بغیر اصلی زعفران بھی مل جائے گا۔
ڈائریکٹر موصوف نے اس موقع پر کہا کہ ای مارکیٹنگ کی سہولیات دستیاب رکھنے سے کاشتکاروں کو کاروباری صلاحیت بڑھانے میں مدد فراہم کرے گی جس سے ملک کی خاص کر وادی کشمیر کی اقتصادی حالت مستحکم ہو جائے گی۔
دورے کے دوران ڈائیرکٹر موصوف نے افسروں کا ایک اجلاس بھی طلب کیا جس میں انہوں نے افسروں سے کہا کہ وہ سپاٸیس پارک میں کسانوں کو ہر طرح کی سہولیات فراہم کرے جس سے ان کی آمدنی میں اضافہ ہو سکتا ہے۔
انہوں نے مزید کہا کہ اس سپاٸیس پارک کو اس لئے قاٸم کیا گیا ہے تاکہ زعفران کی صنعت کو تقویت ملے۔اس موقع پربات کرتے ہوئے چیرمین بورویل کمیٹی مظفر شُجا نے کہا کہ زعفران کی صنعت کو فروغ دینے کے غرض سے وہ کسانوں کو ہر طرح کی سہولیات پہنچانے میں وادہ بند ہے اور اسی کے تحت انہوں نے کروڑوں روپیہ کی لاگت سے زعفران کی کھیتوں میں بورویلز لگوائے ہیں تاکہ کسان وقتی طور اپنی کھیتوں کو ابپاشی کر سکھیں جس سے ان کی فصلوں میں اضافہ ہو گا اور ان کی امدنی بھی بڑ جائے گی۔
انہوں نے کہا کہ رواں سال کے اگست کے آخر تک سیٹھ سے زیادہ بورویلز قابل کارآمد ہونگے جو محکمے کے لیے خاص کر کسانوں کے لیے باعث مسرت بات ہے۔
