ضلع ترقیاتی کمشنر کولگام شوکت اعجاز بٹ نے محکمہ رورل ڈیولپمینٹ کی مختلف اسکیموں کی پیش رفت اور عمل آوری کا جائزہ لیا۔
انہوں نے ایک مٹینگ کے دوران متعلقہ محکمے کے افسران سے اسکیموں کی عمل آوری کے بارے میں جانکاری حاصل کی۔ مٹینگ میں اے سی ڈی، ڈسٹرکٹ پنچایت آفیسر اور سبھی بلاکز کے ڈیولپمنٹ افسران کے علاوہ دیگر افسران بھی موجود تھے۔
ڈی سی کولگام نے مختلف اسکیموں کی عمل آوری کا جائزہ لیا
اس موقعے پر سی ڈی ایف اور ایم پی ایل اے ڈی فنڈس کے حوالے سے جاری کاموں کی پیش رفت پر تفصیلی تبادلہ خیال کیا گیا، جبکہ ایم جی نریگا، ایف سی، ایس بی ایم اور کنورجنس اسکیم کی عمل آوری کا بھی جائزہ لیا گیا۔
ضلع ترقیاتی کشمنر نے تمام متعلقہ آفیسران پر قریبی تال میل اور فرض شناسی کے ساتھ کام کرنے کی تلقین کی تاکہ ترقیاتی کاموں اور اسکمیوں کی مقررہ وقت میں تکمیل یقینی بن سکیں۔
