حد متارکہ پر آر پار جنگ بندی کی خلاف ورزی کے دوران انسانی جانوں کے زیاں کو مد نظر رکھتے ہوئے انتظامیہ نے گزشتہ سال زیر زمین بنکروں کی تعمیر شروع کی تھی۔
واضح رہے کہ مرکزی سرکار کی جانب سے جاری کی گئی رپورٹ کے مطابق گزشتہ سال پاکستان کی جانب سے پچھلی دہائی میں سب سے زیادہ جنگ بندی کی خلاف ورزی کی۔
رپورٹ کے مطابق صوبہ جموں کے پونچھ اور راجوری اضلاع میں سب سے زیادہ خلاف ورزی کے واقعات پیش آئے اور عوام کو راحت پہنچانے کے لیے انتظامیہ نے اب تک 1839زیر زمین بنکر تعمیر کیے ہیں۔
انتظامیہ کے مطابق مزید بنکروں کی تعمیر بھی مستقبل قریب میں مکمل کی جائے گی۔
تاہم وادی کشمیر کے سرحدی علاقے اوڑی، مژھل اور ٹنگڈار کی عوام نے بھی اس ضمن میں عوام کو تحفظ فراہم کرنے کی غرض سے انتظامیہ سے ان علاقوں میں زیر زمین بنکر تعمیر کرانے کا مطالبہ کیا ہے۔
