'طلباء سے فیس جمع کرنے کو مؤخر کیا جائے'

جموں و کشمیر انتظامیہ نے یو ٹی میں نجی اسکولوں کے انتظامیہ سے کہا ہے کہ انکے اسکولوں میں زیر تعلیم طلباء سے فیس جمع کرنے کے عمل کو لاک ڈاون کے پیش نظر مؤخر کیا جائے-

محکمہ تعلیم کے پرنسپل سیکرٹری ڈاکٹر اصغر سامون نے اس ضمن میں ایک بیان جاری کرتے ہوئے کہا کہ فیس جمع کرنے کے عمل کو فی الحال کووڈ 19 وبا کے پیش نظر مؤخر کیا جائے-

طلباء سے فیس جمع کرنے کو مئوخر کیا جائے: انتظامیہ

جموں و کشمیر میں متعدد نجی اسکولوں نے والدین اور طلباء کو گزشتہ ہفتوں میں ایس ایم ایس کے ذریعے واجب ادا فیس جمع کرنے کے احکامات بھیجے تھے، جس پر والدین نے برہمی کا اظہار کیا ہے-

کشمیر میں گزشتہ 50 دنوں سے زائد جاری کورونا وائرس کے پھیلاو پر روک تھام کرنے کیلئے جاری لاک ڈاون کی وجہ سے تمام تعلیمی ادارے بند ہیں اور بچے گھروں میں محدود ہے-

طلباء سے فیس جمع کرنے کو مئوخر کیا جائے: انتظامیہ

تاہم انتظامیہ نے اساتذہ کو ہدایت جاری کرتے ہوئے کہا کہ بچوں کو آن لائن تعلیم فراہم کی جائے لیکن 4G پر گزشتہ نو مہینوں سے ہنوز پابندی کی وجہ سے یہ عمل بھی متاثر ہورہا ہے-