پلوامہ میں لڑکے کی لاش برآمد

جموں و کشمیر کے جنوبی ضلع پلوامہ کے گونگو گاؤں میں باغ سے ایک 15 برس کے نوجوان لڑکے کی لاش برآمد کی گئی ہے۔

موصولہ اطلاعات کے مطابق پلوامہ کے گونگو علاقے میں ساحل احمد شیخ نامی لڑکے کی لاش آج صبح مقامی لوگوں نے باغ سے برآمد کی۔

لاش ملنے سے علاقے میں مایوسی پھیل گئی ہے۔ مقامی لوگوں نے پولیس کو اس معاملے کی اطلاع دی جس کے بعد پولیس نے لاش پوسٹ مارٹم کے لیے بھیچ دی ہے۔

ابھی تک یہ واضح نہیں ہوا ہے کہ ساحل احمد شیخ کی موت کیسے واقع ہوئی ہے۔ پولیس نے اس معاملے میں کیس درج کر کے تحقیقات شروع کر دی ہے۔