رامبن: ڈی ڈی سی نے ضلع ہسپتال کا جائزہ لیا

ضلع ترقیاتی کونسل کے چیئرمین ڈاکٹر شمشاد شان نے آج ضلع ہسپتال رامبن کا دورہ کیا جہاں انہوں نے ادویات سمیت مختلف فراہم کی جانے والی خدمات کا جائزہ لیا۔

رامبن: جموں و کشمیر کے ضلع ترقیاتی کونسل کے چیئرمین ڈاکٹر شمشاد شان نے آج ضلع ہسپتال رامبن کا اچانک دورہ کیا، اس دوران انہوں نے ٹراما سینٹر، ایمرجنسی اور مختلف وارڈوں کا جائزہ لیا۔

ڈی ڈی سی چیئر پرسن نے اسپتال میں ادویات سمیت مختلف فراہم کی جانے والی خدمات کا بھی جائزہ لیا اور آکسیجن پلانٹ کے بارے میں میڈیکل سپریڈیننٹ رامبن سے جانکاری حاصل کی۔

اس دوران ضلع ترقیاتی چئیر پرسن کے ہمراہ سی ایم او رامبن بھی موجود تھے جنہوں نے میڈیکل اسٹاف کی خدمات کی ستائش کی۔