جنوبی کشمیر کے ضلع پلوامہ میں ضلع ترقیاتی کمشنر ڈاکٹر رگھو لنگر نے نو منتخب ڈی ڈی سی ممبروں کے ساتھ ایک میٹنگ کا اہتمام کیا۔
اس میٹنگ میں ڈی ڈی سی ممبران کے علاوہ ضلع کے مختلف محکموں کے افسران نے شرکت کی۔
اس موقع پر ضلع ترقیاتی کمشنر پلوامہ نے کہا کہ اس میٹنگ کا مقصد یہ ہے کہ عوامی نمائندے اور افسران مل کر کام کریں تاکہ انتظامیہ اور عوام میں دوری کو کم کیا جا سکے۔
انہوں نے کہا کہ حالیہ ڈی ڈی سی انتخابات میں نو منتخب ممبران انتظامیہ کی آنکھ اور کان ہیں۔ اس دوران مختلف محکموں کے علاوہ محمکہ دیہی ترقیاتی کے افسران نے ڈی ڈی سی ممبروں کو دیہی ترقی اور عوامی کاموں کی اسکیموں کے علاوہ مختلف سرکاری پروگرامز، فلاحی منصوبوں کے بارے میں جانکاری دی۔
وہیں، ڈی ڈی سی ممبران نے لوگوں کو درپیش مشکلات جیسے روڈ رابطہ، بنیادی عوامی سہولیات، صحت کی دیکھ بھال وغیرہ سے متعلق نوٹس کو جلداز جلد حل کرنے کا مطالبہ کیا۔
اس میٹنگ میں ضلع ترقیاتی کمشنر پلوامہ کے علاوہ ایڈیشنل ڈسٹرکٹ ڈویلپمنٹ کمشنر پلوامہ، پولیس سپرنٹنڈنٹ پلوامہ، اسسٹنٹ کمشنر پلوامہ، بلاک ڈویلپمنٹ افسران اور دیگر افسران نے بھی حصہ لیا۔
