عوام سے انتظامیہ کے ساتھ تعاون کرنے کی اپیل

وادی میں مسلسل لاک ڈاؤں کے پیش نظر آج ضلع کمشنر بارہمولہ ڈاکٹر جی این ایتو نے ایک پرس کانفرنس کر کے عوام پر زور دیا کہ وہ اس ملہک مرض پر قابو پانے کے لئے ضلع انتظامیہ کے ساتھ تعاون کریں ۔

انہوں نے کہا کہ ضلع انتظامیہ اس بیماری سے جڑے افراد کی ہر ممکن مدد کر رہی ہے اور اس بات کو یقینی بنا رہی ہے کہ ضلع کے عوام کو لاک ڈاون کے چلتے مشکلات کا سامنا نہ کرنا پڑے۔

انہوں نے کہا کہ ضلع انتظامیہ کے ساتھ ساتھ پولیس طبی عملہ فوڈ اینڈ سپلائز کی کوششوں کے نتیجے میں ہی ضلع بارہمولہ میں کووڈ 19 سے متاثرہ افراد کی تعداد کافی کم رہی اور انہیں امید ہے کہ اس وبائی مرض کی روک تھام کے لیے انہیں آگے بھی لوگوں کا تعاون فراہم رہے گا۔