انتظامیہ نے کشمیر وادی کے ریڈزون علاقوں کے بین روٹ پر رہنما خطوط کو ملحوظ رکھ کر ایس آر ٹی سی مسافر گاڑیاں چلانے کا فیصلہ کیا ہے۔ تاہم ان مذکورہ علاقوں میں دیگر مسافروں بردار گاڑیوں کو چلنے کی اجازت نہیں ہوگی۔
اس حوالے سے ٹرانسپورٹ کے کمشنر سکرٹیری ہر دیش کمار نے ایک حکمنامہ جاری کیا ہے۔ البتہ اس حکم نامے میں یہ واضح کیا گیا ہے کہ اورینج اور گرین زمرے کے تحت آنے والے اضلاع کے بیں روٹ پر دیگر منی بسیں چلنے کی اجازت ہوگی۔ وہیں ایگزیکٹیوں کمیٹی کی ہدایت کے مطابق ان مسافر گاڑیوں میں 50 فیصد سے زیادہ سواریاں بھرنے کی اجازت نہیں ہوگی اور کووڈ 19 کے پھیلاؤ کی روکتھام کے لئے مسافر گاڑیوں کی نصف سٹیں ہی استعمال میں لانے کی بات کہی گئی ہے۔
ادھر جن اضلاع کے بیں روٹوں پر ایس آر ٹی کی بڑی بسیں چلائی جائے گی۔ ان روٹوں میں اننت ناگ سے سرینگراور پلوامہ سے سرینگر کا روٹ شامل ہیں جبکہ بارہمولہ سے سرینگر،کپوارہ،ہندوارہ،سوپور،اور بانڈی پورہ سے سرینگر کے علاوہ اوڑی سے سرینگر روٹس وغیرہ قابل زکر ہیں۔
واضح رہے کشمیر وادی میں منی اور بڑی مسافر بسوں کا پہیا کم و بیش ایک برس سے جام ہے۔
