تفصیلات کے مطابق سرینگر کے ٹنکی پورہ سے تعلق رکھنے والے 60 سالہ اور زونیمار سے تعلق رکھنے والے 70 سالہ شخص کی موت واقع ہوئی ہے۔
اس سے قبل کورونا وائرس میں مبتلا تین افراف کی موت تھی۔ ان میں سے دو اموات سرینگر کے صورہ ہسپتال میں ہوئی تھی، جبکہ ایک مریض کی کی موت ایس ایم ایچ ایس ہسپتال میں ہوئی تھی۔
ذرائع نے بتایا کہ سکمز میں مرنے والوں میں شمالی بارہمولہ ضلع کے رفیع آباد علاقے اور جنوبی کشمیر کے پلوامہ ضلع کے پانپور سے تعلق رکھتے تھے۔
ذرائع کا کہنا ہے کہ رفیع آباد سے تعلق رکھنے والا شخص کورونا وائرس کے علاوہ نمونیا میں بھی مبتلا تھا۔
ان اموات کے ساتھ ہی جموں و کشمیر میں کورونا وائرس سے مرنے والوں کی تعداد 251 ہوگئی ہے، جن میں سے 231 وادی کشمیر سے ہیں اور 20 خطہ جموں سے ہیں۔
یہ بھی پڑھیں: ادھمپور: کووڈ 19 کے اصولوں کی خلاف ورزی پر سخت ہدایت
سرینگر ضلع میں کورونا وائرس کی وجہ سے سب سے زیادہ اموات 64 ہوئی ہیں جبکہ دوسرے نمبر پر ضلع بارہمولہ ہے جہاں مرنے والوں کی تعداد 52 ہے۔ ضلع کولگام میں 24 ، شوپیاں میں، اننت ناگ اور بڈگام میں بالترتیب 18، پلوامہ میں 15، کپواڑہ میں 13، جموں 12، بانڈی پورہ میں 58، گاندربل (4) ، راجوری اور ڈوڈہ میں دو دو اور پونچھ ، ادھم پور اور کٹھوعہ میں ایک ایک کی موت ہوئی ہے۔
