اگرچہ یہ ہر سال وادی آتے ہیں اور ان سے کبھی پوچھ تاچھ یا ان کا کہیں اندراج نہیں ہوتا ہے تاہم کورونا وائرس کی وباء عروج پر ہے اور باہر سے آئے ہوئے لوگوں کا ٹیسٹ ہوتا ہے لیکن اُن کا معائنہ نہیں ہوتا ہے۔
پوری دنیا میں کورونا وائرس سے بچاؤ کی مہم چلائی جارہی ہے تاہم ان لوگوں کی کہیں پر بھی سکریننگ نہیں ہو رہی ہے جو باعث تشویش ہے۔
حکام کو چاہیے کہ جو بھی وادی وارد ہو ان کا باضابطہ طور پر سکریننگ ٹیسٹ ہونا چاہیے جس سے وادی کے لوگوں کو کورونا وائرس کی خطرناک بیماری سے محفوظ رکھا جا سکے۔
تاہم حکام اس جانب توجہ نہیں دے رہے ہیں جس سے وادی کے لوگوں کو خطرہ لاحق ہے۔ یہ لوگ کھلے عام گھوم رہے ہیں اکثر ان کو بازاروں میں دیکھا جاسکتا اور کبھی کبھی بستیوں کا بھی رخ کر لیتے ہیں۔
حکام کو چاہیے کہ وہ ان غیر ریاستی افراد کا باضابطہ طور سکریننگ ٹیسٹ کرائے تاکہ ان کی وجہ سے وادی میں کوئی بیماری نہ پھیلے۔
