انتظامیہ کے مطابق ان پانچ افراد کے ٹیسٹ منفی پائے گئے ہیں اور ان کو آج گھر رخصت کیا گیا ہے۔
انتظامیہ کا کہنا ہے کہ جے ایل این ایم ہسپتال میں کورونا وائرس کے 32 مریض داخل کئے گئے تھے جن میں سات صحتیاب ہونے کے بعد رخصت کئے جا چکے ہیں۔
ڈاکٹروں کا کہنا ہے کہ صحتیاب ہوئے افراد کو گھریلو قرنطینہ میں رہنے کیلئے کہا گیا ہے جہاں ان کی نگہداشت کی جائے گی۔
ڈاکٹروں کا کہنا ہے کہ ان افراد کا 28 دنوں کے قرنطینہ مکمل ہونے کے بعد انہیں دوبارہ ٹسٹ کیا جائے گا۔
قابل ذکر ہے کہ جموں وکشمیر میں کووڈ 19 میں 341 افراد کی تشخیص ہوچکی ہے جن میں 294 ایکٹیو مثبت ہیں جبکہ 47 افراد صحتیاب ہویے ہیں۔
وہیں پانچ مریضوں کی موت اس مہلک وائرس سے ہو چکی ہے۔
