سرکار کی اس منفرد پہل کے تحت ضلع ہسپتال کے بعد آج زچہ بچہ ہسپتال شیر باغ اننت ناگ اور سب ضلع ہسپتال بجبہاڑہ میں سینیٹائزنگ ٹنلس قائم کی گئیں جن کا افتتاح اربن لوکل باڈیز کے ڈائریکٹر ریاض احمد نے کیا۔
سینیٹائزنگ ٹنل قائم کرنے کا سلسلہ جاری
ان ٹنلس سے گزرے والا ہر شخص سو فیصد( سینیٹائز) جراثیم سے پاک ہو جاتا ہے ۔
اس موقع پر بی ایم او بجبہاڑہ، میونسپل کونسل کے چیئرمین ہلال احمد شاہ ،ایگزیکٹیو افسر بجبہاڑہ و دیگر کئی افسران بھی موجود تھے۔
تیمارداروں نے حکومت کے اس اقدام کی سراہنا کرتے ہوئے کہا کہ ہسپتال آنے والے ہر شخص کو اس مہلک وبا سے محفوظ رکھنے کے لئے یہ ایک اچھی اور منفرد پہل ہے۔
وہیں یہ وبا کو پھیلنے سے روکنے کیلئے بھی کارگر قدم ہے۔
