ریاست جموں و کشمیر کے دارالحکومت سرینگر میں کانگریس کونسلرز نے میونسپل کارپوریشن کے ڈپٹی میئر شیخ عمران سے حمایت واپس لینے کا فیصلہ کیا ہے۔
عرفان نقیب نے کہا کہ اجلاس میں فیصلہ کیا گیا کہ کانگریس پارٹی کے تمام کونسلرز شیخ عمران سے 29 مئی کو اپنی حمایت واپس لیں گے اور اس وقت وہ قانونی طور ڈپٹی میئر نہیں رہیں گے۔
واضح رہے کہ گذشتہ برس بلدیاتی انتخابات میں شیخ عمران کانگریس کونسلرز کی حمایت سے ایس ایم سی کے ڈپٹی میئر منتخب ہوئے تھے، لیکن گزشتہ دنوں شیخ عمران نے سجاد لون کی قیادت والی پیپلز کانفرس میں شمولیت کی۔
شیخ عمران کو 31 کونسلرز کی حمایت حاصل ہوئی تھی جن میں 17 کانگریسی کونسلرز اور 14 آزاد کونسلرز تھے۔
ای ٹی وی بھارت کے ساتھ بات کرتے ہوئے سرینگر کے چھٹہ بل علاقے سے کانگریس کونسلر بشارت قادر نے کہا کہ ' 29 مئی کو ایس ایم سی کونسلرز کا اجلاس ہونے والا ہے جس میں کانگریس کے تمام کونسلرز شیخ عمران سے اپنی حمایت واپس لینے کا باضابطہ اعلان کریں گے۔
