بارہمولہ: مرکز کے زیر انتظام یوٹی جموں و کشمیر کے بارہمولہ کے سوپور کے ڈانگرپورہ میں کانگریس کے اجلاس کو خطاب کرتے ہوئے سیاسی رہنما حاجی عبدالرشید ڈار نے کہاکہ ملک میں کانگریس ہی واحد سیاسی جماعت ہے جو بی جے پی کو مرکز سے بے دخل کرسکتی ہے۔ ہمیں کانگریس کے ہاتھ کو مضبوط بنانے کی ضرورت ہے۔
حاجی عبدالرشید ڈار نے اپنے بیان میں کہا کہ کانگریس کو چھوڑ کر میں نے بہت بڑی غلطی کی تھی۔ اب ایسی غلطی دوبارہ نہیں کروں گا۔ مجھے سوپور اور اس کے اطراف کے لوگوں کی بھر پور حمایت حاصل ہے۔
انہوں نے کہا کہ جموں و کشمیر میں بے روزگاری اور مہنگائی کافی عروج پر ہے لیکن لوگوں کو کانگریس پارٹی پر بھروسہ ہے۔ کانگریس حکومت میں آتی ہے تو ہم جموں کشمیر کے لوگوں کے مسائل حل کرنے کی کوشش کریں گے۔کانگریس کی عام لوگوں کی پارٹی ہے اور ہم عوام کی خدمات کے لئے سیاسی کرتے ہیں۔
یہ بھی پڑھیں:Altaf Bukhari on Darkshan Andrabi جموں و کشمیر وقف بورڈ کی چئیرپرسن کا بھی امتحان ہونا چاہیے، الطاف بخاری
اس دوران کانگریس کی جموں و کشمیر انچارج رجنی پاٹل نے میڈیا کے ساتھ گفتگو کرتے ہوے کہا کہ بی جے پی نے یہاں پر ہر سسٹم کو کچل کر رکھ دیا ہے۔بی جے پی کے پاس ترقیاتی منصوبے نہیں ہیں۔بی جے پی انتخابات کرانے سے ڈرتی ہے۔دم ہے تو انتخابات کرائے اس کے بعد پتہ چلے گا کہ انتخابی میدان میں کس کو کتنی جیت ملتی ہے۔
