وزیر اعظم نریندر مودی کے اعلان پر جنتا کرفیو کو آج جموں و کشمیر کی عوام کی طرف سے بھی پوری حمایت حاصل ہوئی ہے۔
جموں و کشمیر پولیس اور سی آر پی ایف کے اہلکار اپنی ڈیوٹی کو انجام دے رہے ہیں۔ شہر میں آنے والی گاڑیوں کو جانچنے کے بعد ہی اندر آنے کی اجازت دے رہے ہیں۔
جموں کشمیر کے مختلف اضلاع میں جنتا کرفیو کا اثر دیکھنے کو مل رہا ہے۔
اودھم پور میں بھی جنتا کرفیو کا اثر دیکھنے کو ملا ہے۔ادھم پور میں آج صبح سات بجے سے جنتا کرفیو نافذ ہونے کے بعد بازار کی تمام سڑکوں اور چوک چوراہوں پر سناٹا چھایا رہا۔ پولیس اور انتظامیہ کے اعلی افسران مستعد ہیں۔
وہیں آج کٹھوعہ میں شام 5 بجتے ہی لوگوں نے اپنی چھتوں پر چڑھ کر تالیاں بجانا شروع کر دیا۔ لوگوں نے برتنوں کو بجا کر وزیر اعظم نریندر مودی کا شکریہ ادا کیا۔
کٹرا میں ضلع کمشنر اور ایس ایس پی مکمل طور پر تیار ہیں اور شہر کا جائزہ لے رہے ہیں جبکہ وہاں کاروباری ادارے مکمل طور پر بند ہیں۔ کرفیو میں اپنا پورا تعاون دینے والے لوگوں نے وزیر اعظم نریندر مودی کے اس اقدام کا بھی خیر مقدم کیا ہے۔
