کشتواڑ: جموں و کشمیر کے ضلع کشتواڑ میں واقع چوگان میدان گزشتہ کئی ماہ سے گندگی کے ڈھیر میں تھا جس کو لیکر مقامی لوگوں کو شدید پریشانیوں کا سامنا کرنا پڑ رہا تھا۔ اس دورام کشتواڑ کے لوگوں نے چوگان میدان میں لگے گندگی کے حوالے سے ضلع انتظامیہ پر سوال بھی اٹھائے تھے اور کہا تھا کہ چوگان میدان مقامی لوگوں کے سیر و تفریح کی جگہ ہے جو کچروں کے ڈھیر میں تبدیل ہے تاہم انتطامیہ اس پر کوئی کارروائی نہیں کررہی ہے۔ Cleanliness campaign in Kishtwar Chowgan Maidan
معاملے کے روشنی میں آنے کے بعد 2 اکتوبر بروز اتوار کو صفائی ڈویلپمنٹ اتھارٹی کشتواڑ اور محکمہ انیمل ہسبنڈری نے مشترکہ طور پر میدان میں صفائی مہم چلائی اور چوگان میدان کو گندگی سے پاک کیا۔ واضح رہے کہ یہاں کے لوگوں کے پاس چوگان میدان کے علاوہ کوئی دوسرا پارک یا میدان نہیں ہے جہاں پر لوگ صبع یا شام کی سیر و تفریح کرسکیں۔ Cleanliness campaign in Kishtwar Chowgan Maidan
مزید پڑھیں:
اس موقع پر ضلع انتظامیہ کشتواڑ نے لوگوں سے اپیل کی کہ اس میدان کو گندی سے پاک بنانے کے لیے انتظامیہ کا تعاون کریں۔ تاکہ چوگان میدان کو صاف شفاف رکھا جاسکے۔
