شمالی کشمیر میں گولہ باری، شہری زخمی

جموں و کشمیر کے شمالی ضلع کپواڑہ میں لائن آف کنٹرول پر پاکستان نے جنگ بندی کی خلاف وزری کی، جس میں ایک عام شہری زخمی ہوگیا۔

یہ فائرنگ اور گولہ باری آج صبح شمالی کشمیر کے ضلع کپواڑہ کے تیٹ وال میں کی گئی۔ گولہ باری میں فوجی چوکیاں اور رہائشی علاقوں کو نشانا بنایا گیا۔ زخمی شخص کو مقامی ہسپتال میں داخل کرایا گیا۔ زخمی شخص کی شناخت نظیر احمد کے طور پر ہوئی ہے۔

واضح رہے کہ اس سے قبل ضلع پونچھ کے کرشنا گھاٹی سیکٹر میں پاکستان کی فائرگ میں ایک فوجی جوان ہلاک ہوگیا۔

پاکستان کی جانب سے جنگ بندی کی مسلسل خلاف ورزی کی جا رہی ہے۔ جموں و کشمیر کے سرحدی علاقوں میں سیز فائر کی خلاف ورزی کے واقعات میں مسلسل اضافہ ہورہا ہے۔