کٹھوعہ: سابق وزیر لال سنگھ کی رہائش گاہ پر سی بی آئی کا چھاپہ

سنٹرل بیورو آف انویسٹی گیشن (قومی تحقیقاتی ایجنسی) نے کٹھوعہ میں ڈوگرہ سوابھیمن سنگٹھن کے بانی اور سابق وزیر چودھری لال سنگھ کے گھر پر چھاپہ مارا ہے۔

ایک عہدیدار نے بتایا کہ سی بی آئی کے اہلکاروں نے آج علی الصبح کٹھوعہ میں سنگھ کی رہائش گاہ پر چھاپہ مارا۔

سی بی آئی نے رواں سال جون میں بدعنوانی کے معاملے میں سنگھ کے زیر انتظام چلائے جا رہے تعلیمی ٹرسٹ کے خلاف تحقیقات کا آغاز کیا تھا۔

سنگھ نے 2018 میں کٹھوعہ عصمت دری کے معاملے پر بھارتیہ جنتا پارٹی چھوڑ دی تھی اور ڈوگرہ سوابھیمان سنگٹھن نامی پارٹی شمولیت اختیار کی تھی۔

سی بی آئی نے آر بی ایجوکیشنل ٹرسٹ، اس کے چیئرپرسن اور سابق ڈی سی، سابق تحصیلدار، سابق نائب تحصیلدار کٹھوعہ سمیت دیگر افراد کے خلاف ٹرسٹ کے نام پر فریب دہی کرنے، جعلی کاغذات جمع کرانے و دھوکہ دہی کے الزامات کے تحت مقدمہ درج کرلیا ہے۔

مزید تفصیلات کا انتظار ہے۔