بڈگام: ایک شخص 90 کلوگرام خشخاش کے ساتھ گرفتار

جموں و کشمیر کے ضلع بڈگام کے بیروہ علاقے میں پویس نے ایک شخص کو گاڑی سمیت 90 کلوگرام خشخاش کے ساتھ گرفتار کیا ہے۔

بیروہ پولیس کو اس وقت ایک کامیابی حاصل ہوئی جب انہوں نے پیٹرولنگ کے دوران ایک گاڑی کی تلاشی لی. تلاشی کے دوران ان کو گاڑی سے 90 کلوگرام خشخاش برآمد ہوا۔ اس گاڑی کو معراج احمد وانی ولد غلام محمد وانی ساکنہ ہانجن لاوے پورہ بیروہ چلا رہا تھا۔

پولیس نے موقع پر ہی ڈرایئور کو گرفتار کیا اور پولیس تھانہ بیروہ میں بند کردیا ہے۔ گرفتار شدہ افراد کی گاڑی کو بھی ضبط کرلیا گیا۔

اس ضمن میں پولیس اسٹیشن بیروہ میں ایف ائی آر درج کیا گیا اور ا. س معاملے میں مزید تفتیش شروع کردی گئی۔