بی ایس ایف جوان نے کی خودکشی

سکیورٹی اداروں کی جانب سے یوگا اور آرٹ آف لیونگ کی سرگرمیاں متعارف کرانے کے باوجود بھی جموں وکشمیر میں تعینات سکیورٹی فورس اہلکاروں میں خودکشی کے رجحان میں کوئی کمی نہیں آ رہی ہے۔

شمالی کشمیر کے سرحدی ضلع کپواڑہ میں بی ایس ایف کے ایک جوان نے مبینہ طور پر اپنی سروس رائفل سے خود کو گولی مار کر خودکشی کرلی۔

سرکاری عہدیدار نے کہا کہ ضلع کپواڑہ کے برنواری علاقے میں تعینات بی ایس ایف کی 169 بٹالین کے ہیڈ کانسٹیبل کندن رام کمار نے آج اپنی سروس رائفل سے خود کو گولی مار کر ہلاک کردیا۔

انہوں نے کہا کہ کانسٹیبل نے موقع پر ہی دم توڑ دیا۔ وہیں ایک پولیس افسر نے بتایا کہ انہوں نے اس معاملے میں کیس درج کرکے تحقیقات شروع کر دی ہے۔

قابل ذکر ہے کہ سکیورٹی اداروں کی جانب سے یوگا اور آرٹ آف لیونگ کی سرگرمیاں متعارف کرانے کے باوجود بھی جموں وکشمیر میں تعینات سکیورٹی فورس اہلکاروں میں خودکشی کے رجحان میں کوئی کمی نہیں آ رہی ہے۔