یہ علاقہ حال ہی میں کراس ایل او سی شلنگ کے کافی سرخیوں میں رہا ہے۔ میڈیکل کیمپ کا اہتمام بی ایس ایف کی 101 بٹالین نے گورنمنٹ بائز پرائمری اسکول ریفوجی پورہ میں کیا تھا۔
اس موقعے پر ڈپٹی انسپکٹر جنرل اسیکٹر ہیڈکوارٹر بانڈی پورہ شری امیت تیاگی کے علاوہ کمانڈنٹ میڈیکل آفیسرز ایس جی او ، دو جی ڈی ایم او نے شرکت کی۔
کیمپ میں علاقے سے تعلق رکھنے والے اسینکڑوں افراد نے شرکت کی۔ اس دوران لوگوں کو میڈیکل چیک اپ کرنے کے علاوہ مفت میں ادویات بھی تقسیم کی گئی ۔
اس موقعے پر ڈی آئی جی امیت تیاگی نے کہا کہ ہم اس سرحدی اور دور دراز علاقے میں بہت جلد ایسے مزید کیمپ آرگنائز کرنے جارہے ہیں جن میں سے دو نیرو جبکہ دو بگھتور علاقے میں منعقد ہورہے ہیں۔
انہون نےکہا کہ کووڈ کو مدنظر رکھتے ہوئے تمام احطیاطی تدابیر کو بروئے کار لایا جارہا ہے جس کے باعث کیمپ میں شریک افراد میں ماسکز کے علاوہ ہینڈ اسینٹائزر بھی تقسیم کئے گئے۔
ڈی آئی جی نے کہا کہ عوام کی جانب سے انہیں بے حد تعاون ملا ہے اور عوام نے ایسے کیمپوں کے انعقاد کا خیر مقدم کیا ہے۔ سرحدی اور ایل او سی کے متصل ہونے کے باعث ایک ایک خوش آئند اقدام ہے۔
