بھارت نے کہا کہ اس مسئلے پر لیبرپارٹی یا اس کی قیادت کے ساتھ کوئی بات چیت کا سوال ہی نہیں اٹھتا۔
وزیراعظم کے ساتھ امریکہ کے دورے پر آئے وزارت خارجہ کے ترجمان رویش کمار نے ایک سوال کے جواب میں کہاکہ حکومت نے برطانیہ کی لیبر پارٹی کے سالانہ اجلاس میں جموں و کشمیر سے متعلق ہونے والی سرگرمیوں کا نوٹس لیا ہے۔
انہوں نے کہا کہ یہ افسوس کی بات ہے کہ لیبر پارٹی نے اس مسئلے پر بغیر معلومات کے بےبنیاد موقف اختیار کیا ہے۔
انہوں نے کہا کہ یہ فیصلہ ووٹ بینک کا خیال کرتے ہوئے کیا گیا ہے۔ اس مسئلے پر لیبر پارٹی یا اس کی قیادت کے ساتھ کسی طرح سےبات کرنے کا کوئی سوال ہی نہیں اٹھتا۔
قابل ذکر ہے کہ لیبرپارٹی کے سالانہ اجلاس میں جموں وکشمیر سے متعلق ایک تجویز پاس کرکے کہا گیا ہے کہ اس مسئلے پر ثالث کی کوشش کی جائے۔
