شمالی کشمیر کے ضلع بانڈی پورہ کے نالہ مدھومتی میں آج صبح چھ سالہ محمد انیس نامی بچے کی لاش برآمد کی گئی جس سے پورے علاقے میں ماتم چھا گیا۔
تفصیلات کے مطابق انیس کلوسہ میں اپنے نانیہال سے کل چار بجے سے لاپتہ ہوا تھا اگرچہ اس کی تلاش کی گئی تاہم اس بچے کا کوئی پتہ نہیں چلا۔ آج صبح چند افراد نے ایک بچے کی لاش نالے مدھومتی میں دیکھی جس دوران انہوں نے متعلقہ پولیس اسٹیشن کو فوری اطلاع دی جس کے بعد پولیس موقع پر پہنچی اور بچے کی لاش کو اپنی تحویل میں لے لیا۔
ضلع اسپتال بانڈی پورہ میں تمام تر قانونی لوازمات کو پورا کرنے کے بعد بچے کی لاش ان کے لواحقین کے حوالے کر دی گئی۔
ہلاک شدہ بچے کی شناخت محمد انیس ولد محمد حنیف لون ساکنہ ملہ باغ سرینگر کے طور پر ہوئی ہے۔ وہیں جب بچے کی لاش ان کے آبائی علاقے میں پہنچی تو وہاں ماتم چھا گیا۔
تاہم بانڈی پورہ پولیس نے اس ضمن میں ایک کیس درج کر کے تحاقیقات شروع کر دی ہے۔
