جموں و کشمیر ضلع پلوامہ کے قصبہ پانپور میں آج لوگوں کی شکایات کو سننے کے لیے بلاک دیوس پروگرام کا انعقاد کیا گیا ہے جہاں اے ڈی سی اونتی پورہ ظفر احمد شال نے لوگوں کے مسائل اور مطالبات سنے۔
پروگرام کے دوران قصبہ پانپور کے مختلف علاقوں سے آئے ہوئے لوگوں نے اے ڈی سی کو اپنے اپنے مطالبات و مساٸل سے آگاہ کیا جس پر انہوں نے لوگوں کو یقین دلایا کہ ان کے مطالبات کا اندراج کر کے ان پر زمینی سطح سے کام شروع کیا جائے گا۔
اے ڈی سی نے کہا کہ بلاک دیوس پروگرام کے مساٸل بہت حد تک حل ہو سکتے ہیں انہوں نے کہا کہ لوگوں کو مختلف دفتروں کے بجائے ایک ہی جگہ پر جاکے اپنے شکایات درج کرانے ہیں اور ان کے تمام مسائل کا حل ہو گیا ہے۔
انہوں نے کہا ایسے پروگراموں سے دور دراز کے گاؤں میں ترقی جا دور شروع ہو سکتا ہے۔انہوں نے لوگوں کو ایسے پروگرام میں شرکت کرنے کی اپیل کی ہے۔
واضح رہے کہ جموں و کشمیر کے انتظامیہ نے بلاک دیوس کا اپنی نوعیت کا پہلا پروگرام شروع کیا ہے جس دوران عوام نے مسائل کو انتظامیہ کے سامنے در ج کراتے ہیں جس کے بعد ان پر غور و خوض کر کے ان کا ازالہ کیا جاتا ہے ۔
حکومت نے عوامی شکایات کا ازالہ کرنے کے لیے بیک ٹو ولیج پروگرام کا اغاز بھی کیا جس کے تحت سرکاروی افسران گاؤں دیہات میں جاکر لوگوں کے مسائل سے واقفیت حاصل کرتے تھے۔
پروگرام کی کامیابی کو دیکھتے ہوئے حکومت نے تین بار یہ مہم چلائی جس سے کافی حد تک عوام کے مسائل حل ہوئے۔
