بی جے پی کی مقبولیت سے 'گپکار گینگ' مایوس: شاہنواز حسین

جموں و کشمیر میں بی جے پی کے سینئر رہنما شاہنواز حسین نے آج دعویٰ کیا کہ وادی میں ان کی پارٹی کو کافی مقبولیت حاصل ہوئی ہے جس کی وجہ سے 'گپکار گینگ' مایوسی کا شکار ہے۔

سرینگر میں بی جے پی دفتر پر ایک اجلاس سے خطاب کرتے ہوئے شاہنواز حسین نے کہا کہ ’کشمیری عوام نے بی جے پی کو قبول کرلیا ہے اور اب وہ ترقی کےلیے پرعزم ہیں‘۔

انہوں نے مزید دعویٰ کیا کہ ’جموں و کشمیر کے عوام ایک بار پھر گپکار گینگ کے جال میں نہیں پھنسیں گے جبکہ اس گروہ نے 70 سالوں سے لوگوں کا استحصال کیا ہے‘۔

ڈی ڈی سی انتخابات پر بات کرتے ہوئے شاہنواز حسین نے کہا کہ ’زمینی صورتحال دیکھ کر انہیں (گپکار گینگ) کو شرم آنی چاہئے۔ انہوں نے کہا کہ رواں انتخابات میں لوگوں نے انہیں مسترد کردیا ہے‘۔

انہوں نے کہا کہ ’بی جے پی ہمیشنہ بدعنوانی کے خلاف رہی ہے اور اسے کبھی بھی برداشت نہیں کیا جائے گا‘۔ انہوں نے مزید کہا کہ بی جے پی وادی کے کونے کونے تک پہنچ رہی ہے۔