نیشنل گرل چائلڈ ہفتہ کے حوالے سے ضلع ڈوڈہ کے سب ڈویژن ٹھاٹھری میں ایک بیداری ریلی کا اہتمام کیا گیا
ہفتہ کی صبح آئی سی ڈی ایس دفتر ٹھاٹھری سے بیداری ریلی کو ہری جھنڈی دکھا کر روانہ کیا گیا ۔جو بازار کی مختلف حصّوں سے ہوتے ہوئے ایس ڈی ایم دفتر میں اختتام پذیر ہوئی۔
اس موقع پر مختلف تعلیمی اِداروں کی طالبہ، آشا ورکرس، آنگن واڑی ورکرس و دیگر مقررین نے بچّیوں کے تحفظ کے حوالے سے تفیصلی روشنی ڈالی۔ طلباء نے بھی بیٹی بچاؤ بیٹی پڑھاؤ (بی بی بی پی) تھیم پر اسکیٹ دکھائے۔
اس موقع پر مقررین نے معاشرے میں لڑکیوں کے کردار کے بارے میں روشنی ڈالی۔ اس کے علاوہ ان کو درپیش مسائل، چیلنجوں پر بھی تبادلہ خیال کیا گیا اور معاشرے میں جنسی تناسب اور لڑکیوں کی تعلیم کی حیثیت کو بہتر بنانے کے لئے آگے بڑھنے کے راستے پر تبادلہ خیال کیا گیا۔
اس دوران ٹھاٹھری کے مختلف علاقوں میں بیٹی بچاؤ بیٹی پڑھاؤ کے موضوع پر متعدد پروگراموں کا انعقاد کیا جارہا ہے.
