پولیس ترجمان کے مطابق وجے پور علاقے کے بی ڈی سی کے چیئرمین یوگیشور سنگھ کو دو بھائیوں کو قتل کرنے کی کوشش کے الزام میں گرفتار کیا گیا ہے۔ یوگیشور اور ان کے رشتہ داروں کے خلاف مقامی پولیس اسٹیشن میں اقدام قتل سمیت مختلف دفعات کے تحت مقدمہ درج کیا گیا تھا۔
سامبا میں پرنسپل سیشن عدالت نے سنگھ کو 6 فروری کو عبوری ضمانت دی تھی۔ تاہم گذشتہ روز ضمانت کو منسوخ کردیا گیا جس کی وجہ سے ان کی گرفتاری عمل میں آئی۔
ترجمان نے کہا کہ 31 جنوری کو موہت جموال نے پولیس میں شکایت درج کروائی کہ انہیں اور ان کے بھائی روہت جموال، جو سوچانی گاؤں کے رہائشی ہیں، کو بی ڈی سی چیئرمین اور ان کے رشتہ داروں نے ایک پرانی دشمنی کی وجہ سے ان پر جان سے مارنے کی نیت سے حملہ کیا۔
انہوں نے کہا کہ دونوں بھائی زخمی حالت میں وجئے پور تھانے پہنچے تھے۔ سنگھ نے انہیں موٹرسائیکل پر گھر سے نکلتے ہوئے دیکھا تھا اور چند ہی منٹوں میں ایک گاڑی، جس میں بی ڈی سی چیئرمین کے رشتہ دار سفر موجود تھے، نے پٹیاری علاقے میں پہنچنے پر ان کی گاڑی کو ٹکر مار دی جس سے وہ زخمی ہوگئے۔
ترجمان نے کہا کہ منیشور سنگھ گاڑی چلا رہے تھے اور واقعے کے وقت دنیشور سنگھ بھی اس کے ساتھ سفر کر رہے تھے۔
پولیس کے ترجمان نے کہا کہ بھائیوں کے زخمی ہونے کے بعد گاڑی میں سوار افراد یوگیشور سنگھ اور اس کے بھائی رومیشور سنگھ کے ساتھ واپس آئے اور مبینہ طور پر چاقو اور ایک لوہے کی راڈ سے حملہ کیا۔
انہوں نے کہا کہ اس معاملے کے دیگر ملزمان کی گرفتاری کے لیے کوششیں جاری ہیں۔
