شمالی کشمیر کے ضلع بارہمولہ کے سوپور قصبہ سے چار کلومیٹر کے فاصلہ پر واقع سنگرامہ ہائگام سعید آباد میں سڑک کی خستہ حالی سے مقامی لوگوں کو پریشانی کا سامنا کرنا پڑرہا ہے۔
خستہ حال سڑک سے عوام پریشان
مقامی لوگوں نے میڈیا کے نمائندوں سے بات چیت میں کہا کہ آج سے دس سال قبل جب بصیر احمد خان ڈی سی بارہمولہ تھے۔ اس وقت اس سڑک کی تعمیر کی گئی تھی۔ تاہم اب تک اس سڑک پر کوئی توجہ نہیں دی گئی۔ جس کی وجہ سے سڑک کی خستہ حالی سے لوگ پریشان ہیں۔
مقامی لوگوں کے مطابق انہوں نے بی ڈی او سنگرامہ سے مذکورہ سڑک کو پختہ بنانے کے لئے بارہا رابطے کئے۔ مگر انہوں نے ٹال مٹول سے کام لیا ہے۔
اس سلسلے میں ای ٹی وی بھارت نے بی ڈی او سنگرامہ طارق احمد سے بات کی تو انہوں نے کیمرہ کے سامنے بات کرنے سے انکار کیا۔ تاہم انہوں نے یقین دہانی کرائی کہ آئندہ چند ایام میں تعمیراتی سرگرمیاں شروع کی جائینگی۔
