بانہال: اقراء ڈائیگناسٹک سینٹر کی جانب سے راہی ہدایت کے ارکان میں یونیفارم کی تقسیم

راہی ہدایت رضاکار تنظیم گذشتہ کئی برسوں سے قومی آفات سے متاثرہ افراد کی امداد کے لیے ہمیشہ سرگرم ہے۔

جموں و کشمیر کے ضلع رامبن کے بانہال میں ایک خصوصی تقریب کا انعقاد کیا گیا۔ اس تقریب میں اقراء ڈائیگناسٹک سینٹر کی جانب سے راہی ہدایت این جی او کے ارکان کو یونیفارم دیا گیا۔

راہی ہدایت رضاکار تنظیم بانہال گذشتہ کئی سالوں سے کام کر رہی ہے اور قومی آفات سے متاثرہ افراد کی امداد کے لئے ہمیشہ سرگرم رہتی ہے۔

بانہال کے مذکورہ تنظیم کے رضاکار قومی شاہراہ پر پیش آنے والے حادثات کے سبب زخمی ہونے والے افراد کی مدد کے لئے کھڑے رہتے ہیں۔

قومی شاہراہ پر پیش آنے والے حادثات سے متاثرہ افراد کی مدد کے وقت رضاکاروں سے کے مقامی انتظامیہ کے عہدیدار اور پولیس عملہ بھی ساتھ رہتے ہیں اور رضاکاروں کے ساتھ وہ بھی متاثرین کی مدد کرتے ہیں۔