صفائی سے متعلق جانکاری پروگرام

مونسپل کمیٹی لنگیٹ کی جانب سے ضلع کپوارہ کے لنگیٹ میں صفائی کی اہمیت کے حوالے سے ایک پروگرام منعقد کیا گیا۔

لنگیٹ کے بائیز ہائیر سکنڈری اسکول میں منعقد ہونے والے اس پروگرام میں آب گاہوں کو بچانے اور آس پاس کے ماحول کو صاف رکھنے پر زور دیا گیا۔

اس موقع پر ایڈیشنل ڈپٹی کمشنر ہندوارہ گلزار احمد بٹ بطور مہمان خصوصی موجود رہے۔

پروگرام میں تحصیلدار لنگیٹ، مونسپل کمیٹی کے ایگزیکٹو آفیسر عبدالاحد، ٹریڈیس فیڈریشن کے ممبران، اسکولی طلبا و طالبات و دیگر اساتذہ صاحبان نے بھی شرکت کی۔

اس پروگرام میں موجود شخصیتوں، طلبا و طالبات اور اساتذہ صاحبان نے ماحولیاتی صفائی سے متعلق تقاریر اور مقالات پیش کیے۔